جيت تدور الموتوسيكل مادرش

لو جيت تدور الموتوسيكل مادرش .... مع انك كنت ماشى بيه قبل شوية هتعمل ايه يا سطا ...

جيت فتحت مفتاح الكونتاك ملقيتش أى كهرباء فى الموتوسيكل ... تعمل ايه ...

تعلم صيانه,صيانه فلتر ,الموتوسيكل الصيني ,حلاوة ,وديوان ,وهوجان ,بوكسر,طريقة سهلة وسريعة,فك الفلتر,motsyklat,اصلاح,متابعه,طريقة,فلتر,شرح,اسرع,bajaj,boxer,motorcycle,maintenance of the filter of the motorcycle الموتوسيكل,مشاكل المارش,موتوسيكل,الموتور,مشاكل,صيانة بطاريات,معاينه,الصيني,الدراجة النارية,الدراجة,اصلاح,البطارية,الجافة,النارية,الشحن,تغيير,تجميع,تشغيل,كيفيه,فحصتركيبه,متابعه

الموتوسيكل مش بيدور ؟ تبقى المشكلة من البطاريه لو نايمه نزق الموتوسيكل ونمشي بيه شويه عشان يسخن لو لقينا البطاريه مش بتشحن تبقى المشكلة واحدة من ثلاثة .

أول حاجة نفحصها البطارية ضروري نتأكد ان البطارية سليمة مافيش فيها مشاكل او تكون تالفة :
البطاريه ممكن تكون محتاجه صيانة , لو جافه بنحطلها ميه وعلى فكره اغلب الناس فاكره جافه يبقى خلاص مش محتاجه ميه ده حتى وانت بتشتريها لاول مره بيبقى معاها ميه تحطها فيها .

فنجرب نشحنها ولو ناقصه ميه نزودها ونركبها ونمشي ببيها شويه لو لقينا شحنها فضي ومتحنتش تبقى المشكلة يا من الدينامو يا من الريكتيفير
طيب ازاي هنتاكد انهم مش بايظين ؟ اكيد أول حاجة نروح لحد بتاع بطاريات يقيس الشحن بتاع الموتوسيكل .

هيجيب الجهاز الي بيقيس بيه سواء الانلوج او الديجيتال (فولتميتر) ويشوف الشحن لو بيدي 13 او 13 ونص او 14 يبقى تمام الشحن والعيب بطاريه لو اقل يبقى العيب من الباقيين

بعض انواع الريكتيفير لو محروق تلاقيه بارد لان لو سليم بيبقى سخن وفيه طريقه سهلة تعملها بنفسك تقيس بيها الدينامو عشان تشوف شغال ولاخربان وهى "التشريز " حنشيل فيشة الدينامو من مكانها ونحط سلكتين ونلمسهم في بعض تلميسه بسرعه لو شرز يبقى سليم .

طيب لو العيب ريكتيفير ده مش بيتصلح بتجيب بداله . ولو الدينامو فيه حجه محروقه ممكن تجيب بداله او ممكن تلفه .

------------------------------------------------
ثانى حاجة ممكن من المارش يكون محروق او عايز يتصلح :

يبقى هنبص على الفيوز بتاعت المارش ، اللى هى فى علبة بلاستيك بيضاء بجانب البطارية فى الموتوسيكلات الريس والدايو 4 ، وبتكون تحت الكرسى فى باقى الموتوسيكلات ، لو لقيت السلك اللى جوة فى الفيوزة سايح ، نبدلها بواحدة جديدة علطول ، ولو
مفيش واحدة جديدة فى ساعتها نعمل فرد سلك شعر ونلفه على الفيوزة اللى بايظة من أول البلاتينة اللى فوق للبلاتينى اللى تحت بحيث يكون السلك ملفوف عليها لفة واحدة ويكون فرد سلك واحد رفيع ميكونش شوية سلوك فى بعض ،
والكلام ده لغاية لما تجيب فيوز جديدة يعنى موش هنمشي بيها علطول ، واركب ياسطا، ودور مرش ، واركب الموتوسيكل وادعيلى .

------------------------------------------------
ثالث حاجة ممكن يكون كبل البطارية عليه ملح أبيض ، نعمل ايه ...
نجيب مية دافيه لا هى سخنة أقوي ولا هى ساقعة أقوي ونكبها على الملح الأبيض الي على البطارية لغاية لما تنضف ، وبعدين نتأكد ان الكهرباء شغالة ، وبعد كده عشان الملح ده ميتكونش تانى نجيب حتة شحم اسود ونحطه على البطارية
الموجب بتاع البطارية والسالب
وشغل ياسطا الموتوسيكل .لو مكنش السبب حاجة من المشاكل دي ، هنروح لأ قرب ميكانيكى ، عشان فى عيوب أخرى مش هنعرف نعملها وينصح بكهربائى موتوسيكلات .